小學一年級的三角戀?!?!?!

而家d小朋友真係勁啊，一年級就三角戀仲大玩心理戰:

三位小主角:
J (6 years old) = 熱血男，衝動，不溫柔，口是心非 (是媽咪朋友的仔仔)
B (6 years old) = 內向男，溫柔，常笑，樂於助人，口直心快 (是J仔仔的情敵)
E (6 years old) = 算不上是美麗的女孩，不過很喜歡笑而且很開心的感覺，說話聲音很好聽，你只要跟她聊天就知道咩叫「吸引力」。是一種氣質。

話說媽咪的朋友J媽上星期約媽咪今天食lunch，點知到last minute突然多出B媽和E媽和他們的孩子。J媽說因為剛才因為J仔跟人打架，要見家長。0甘，媽咪問做咩打交呀，J媽說「為爭女朋友lor」。我地都呆左，下六歲爭女爭到打架??? 奇聞wor，跟住就有三位小主角說出各自的故事(他們媽媽都是四方城的戰友.....所以都無放件事係心)

E妹妹一邊吃雪糕仲會餵B仔仔吃，你一口我一口，哇真係得六歲架! 仲不時好sweet的笑著問B仔仔好唔好食，B仔仔的右眼被打腫左一個紅紅紫紫的圈....他吃著雪糕害羞的搖頭(即係唔痛呀，好lum呀餵我啦baby0甘?)。J仔因為被J媽捉住，佢過不到去兩人的身邊，不過從我的直覺與理性知道，佢好想打B仔100下都唔出奇。果然有愛情係中間?

事情係0甘，自去年，3個人因為在家長會上認識還知道是住在附近，四方城上見完一次又一次後，就成為親密戰友。起初是J媽和E媽熟左先，所以理應是J仔先溝E妹，只是J仔得個粗魯兩個字，除左打架佢都唔識同人地E妹玩住飯仔，人地阿B仔一加入又玩媽媽爸爸一家親和煮飯仔和街市買食物，仲一起玩咩他媽哥池(定係嫡嫡女)拍拖拖。help!

於是J仔的報復方法係，在班中唱B仔和E妹拍拖，仲話佢地兩個訓係一張床etc.，哇。B媽說因為佢地打通霄牌，所以佢地玩玩下訓左，0米抱上張床lor。J仔都有份.....啊。0甘之但係做謠者當然不提自己啦，於是成班d同學笑佢地兩個，搞到個E妹妹哭，B仔就走出來罵J仔一句「cheap 精」，於是就打架起來。

而J媽也說過自己個仔真係好鍾意E妹妹，自從B仔介入，佢一放學回家後的心情變得好差，如果知道當晚佢唔打牌就更差(因為無得去E妹家，現在是去E家打的)。之前，J媽唔知個仔已經情豆初開，就無理，後來是在周記中看見他很喜歡畫E妹妹，一問之下才知道。但是抱住「細路仔搞出d咩啦」的想法，由佢，點知今天就打人了。

媽咪問E妹細細聲問「你覺得J仔點啊?」
E妹細聲回應說「我唔鍾意佢，成日迫我玩個d怪野，我鍾意玩煮飯仔，佢向我發脾氣整亂晒d野。」
「0甘呀b仔呢?」
「佢就唔同啦，又就我又有野送我食，又同我玩屋企遊戲，我地仲一齊儲郵票。」

一聽就知E妹個心係點，我都選B仔啦，不過，E妹又補充:
「我仲同J仔玩，因為佢可以保護我，佢係全班最高，而且打架好叻。B仔就保護唔到我啦。」

哇，心都寒0米，媽咪說佢小一時，是一舊很飯的飯啊!!!!!!!!!

---