愛寵篇(八): 動物治療與善終感慨萬分

感謝A先生讓我寫下這篇文。

今天上午，收到xx公司的Marketing Director A先生致電，媽咪仲奇怪無cold call過呢間大公司做設計wor。A先生說出是由xx公司的邊個邊個介紹的(xx公司是媽咪的客)，0甘媽咪好開心啦，雖然下個月quit呢份工，都仲有referral client以為自己魅力無限時，A先生說「請你救救我個仔隻龍貓，我聽邊個邊個講你好店架!」，0下，幾時有呢個好店的「朵」架????

名字: 肥b
年齡: 6年啦
種類: 灰白龍貓
性別: 男仔
嗜好: 食野
想醫d咩: 「救呀....似想走啦!」<-- A先生的仔仔給的subject

晚上7:15pm乘坐benz跑去到上等人才住到的半山豪宅，A先生沿路跟媽咪說了以下的情況:

A先生的仔仔叫A仔，天生有自閉症(起初聽見A仔是十八歲後來才搞清原來是十歲=_=;我想A先生過度緊張了)，
因為全家得一粒仔，萬千寵愛在一身。可是A仔因為沒法表達自己經常發脾氣，當時A先生聽人說動物可以幫助好多有問題的兒童，佢就走左去養。起初，A仔唔理肥b，只是自己玩，後來慢慢佢畫畫都畫肥b。而有一天，A先生和太太回家時，見A仔同肥b談起天來，菲律賓工人說已經談了一個多小時，十分奇怪。

之後，A先生和太太問A仔跟肥b說了什麼，A仔跟他們說「反正你地唔會明」，佢地都呆左，不過見佢開心，佢地就由佢。如是者過左兩年，A仔有所好轉可以上學，因為A太太可能以為望子成龍的希望又回來，她開始對A仔在學校功課上施壓力，唔做完功課唔比佢同肥b玩。跟住就發生過用書包打A太太的事情(哇，好彩唔係刀)，A太太學乖了就迫少d，但間唔中又忍唔住。唉.......都是一句望子成龍，父母的心情也真是很難受呢。

本來都相安無事，直到上月肥b暴瘦起來，又唔食野，帶去獸醫看時已經是癌末，對A仔他不知道那是什麼，他就只是單純的想「訓一晚佢就會好架啦」。成家都在不提起「會死」的事情，直到頭先，媽咪去到其實肥b已經在離留之間，A仔歇斯底里的喊「唔好比佢走，佢唔准走」。跟住成家:即A先生、A太太、A仔和3位工人都把我們浸在他們的淚海中，哭到心都煩了。媽咪就同A先生講動物治療老師說過人類的不捨，只會做成寵物去的時候更辛苦的感覺。

直覺上，媽咪叫A先生、A太太和3位工人在飯廳等著。房間的門關上，只留下A仔、肥b、媽咪(和我)，A仔不停的說「救呀..佢...嗚嗚嗚....似想走啦!」。媽咪知道安慰是沒有用的，就試下這一排一直困擾自己的能力。媽咪一隻手輕輕握著A仔，一隻手按在生命快要停止的肥b身上，媽咪說「肥b想跟你說，多謝你(A仔大哭)，六年來是一個美好的學習，多謝你明白我使我感到自己是幸福的。(A仔問肥b是不是要去其他地方玩)我並不是離開，因為我仍在你身邊，我希望你知道我並沒有離開過(唔知A仔明唔明，但係媽咪自己哭起來....反而A仔收左聲看著媽咪)......」

媽咪過了一會，抱著A仔說「讓他不要再受身體上的痛苦好嗎」，A仔想了一陣(唔知佢係唔係唔明)但係突然之間好生性的說「好」。媽咪叫A仔一隻手按在肥b身上，自己也一隻手按在肥b、一隻手按在A仔肩上，一起向天主祈禱(他們是天主教徒)。我們大約念了5次我們的天父那經文(因為A仔只會念這禱文)時，A仔的情緒放鬆之後，媽咪也感到肥b明白了也接受這份心意，幸福地走了。

那一刻，媽咪繼續念下去，只是佢知道肥b仔了，而A仔還未知道仍閉上眼睛很努力很誠心的祈禱。過了一會，A仔問媽咪「你做咩喊」......媽咪就更唔好意思啦，話晒人地阿爸係自己大客的friend，個客又說得自己0甘勁........點知就喊包........

後來出番廳，媽咪仲係到少少喊，A仔同佢媽咪講「頭先肥b同我講會回來看我，所以不是離開。」。A太太知道肥b死後，哭得比A仔之前更勁，而A先生就好好唔開心。跟住，A太太問我是不是可以叫肥b回來，好讓A仔之後唔會傷心。媽咪就同A太太說肥b也有他要走的路，可況你們是天主教徒應該知道那是不應該做的事，而媽咪說了是不會做的。A仔又說「佢會番來，因為我見到頭先佢飛上天空時跟我揮手，佢會番來同我玩。」，聽完之後，媽咪就想起頭先A仔真係一直看著個天花板，因為媽咪自己哭過不停沒給留心的看。

看來媽咪仍要多多學習一下，臨走時，A仔送了肥仔最喜歡吃的Edo餅乾給媽咪，而A先生封左一封「哇」二千蚊的利是????? 媽咪明天決定報左個Bach Flower Essence level 1課程，一於讀完佢再讀個bach flower for animal healing。回家路上，A先生問媽咪在房間內時跟A仔說了什麼，因為他們都不曾見過A仔那麼有紋有路的，媽咪說「A仔的靈性很高，他明白就是了」。

唔知這回應，夠唔夠pro?

---