媽咪份工的好處，就係好多時都有免費戲飛啦，好似幫呢位客人設計的戲飛讓我們免費看到The Da Vinci Code。首影日去看，幾威啊，而且呢套戲我們由看完本書等左兩年，終於上映了，真的好感動啊!
昨天媽咪有兩個朋友，未看過本書，其中一個是極偏激的基督教徒，看完之後他們說「很悶」。嗯，都係真的，套戲真係所有重要的劇情都交代晒，可是就變得每part好「求期」，總之交代就算。你看書看Robert鮮碼時，是有一堆理由，而就係由於個作家寫得頭頭是道，所以你好相信佢，而套戲就好似「求期」撞呀撞呀。又好似本書係好尾先知個d人物原來係奸的，套戲又早好多就知晒，都唔好玩既.......
不過，雖然老土但都係一句啦「書好看過戲」，因為好多感情(唔係男女，係人、神、宗教信念、自私、邪惡)我覺得可能是要以拍戲的方式去拍，要好濃縮成本書，都係差d。你又無可能要去拍劇集，要0甘樣拍我怕個電視台被人燒左都似啦。
我作為一隻汪汪，喜歡這本書的其中一個原因，是覺得呢個世界真係有很多人利用人的信仰去支持自己的私慾。我唔覺只係天主教，其他都有好多問題，媽咪的舅父是神父，媽咪一出生就領洗為天主教徒。後來轉基督教是因為覺得天主教，都是ritual化的一個教，不夠spiritual。當然離開天主教，被舅父好似審犯似的大罵大罵。到去左基督教，某一個大會，你看見有很多人星期一至六都是很衰的人，星期日去同神講寬恕我吧，跟住牧師又說佢會得到寬裕，跟住佢地又去衰過。媽咪問牧師，好似這種星期一至六都係做很多唔好野的人，星期日去同神說寬恕我吧的人，跟星期一至日都做很多好事，只是他不上church的人，那一個會上天堂。他的答案，是令媽咪離開基督教的原因，開始覺得很多東西都是以神之名而訂下的事情。
所以看Dan Brown的書時，就有一種「我都係0甘諗過」不過當然無佢個d history呀、de code呀個d啦，只是就信仰上去想。我最有feel的是，那位天主事工會主教被個d秘密影子集團(suppose是保護教廷的一族人)，他們問那位主教會不會斬草除根的殺0米Jesus的後人時，那主教面露難色之後.....他說既然Jesus都是要sacrifice自己去幫世人，他的後人也將會走上呢條路。
你會味一下，幾人性的聖職人員。
No comments:
Post a Comment