靡爛的聖誕節

要體現家裡蹲的日子到了，聖誕佳節，媽咪各個好友皆重色輕友之人，臨出來丟晒底，媽咪極度意志消沉，於是展開她的足不出戶日子，長達3日!

12月23日
有得早dd走，7時回家吃完飯就向online game友訢苦被放飛機之事云云。online game友李察(美國韓國mix的帥男生)偶發奇想說打diablo ii(哇好out的game wor....不過無野做，媽咪就裝番個隻game和個expansion set)，去了uswest hardcore server(player vs player)。

12月24日
23-24沒睡過，不停升level至82，將其心中不快在game中殺晒d人(特別係一入來講merry christmas個d鬼佬)。merry christmas呀啦*一個火波打爆個d人*，媽咪好殘忍地奸笑。才一天，就收集了二十多隻耳仔，不過都唔係佢技術好，係李察哥哥勁之嗎。

12月25日
經過23、24日不眠不吃(不過都有洗澡和fu面膜)之後，去了工展會，迫左個靚鐘，番去屋企打長途給李察哥哥嘈醒佢再打game，已經94level了。開始悶，傳玩nexus:the kingdom of wind，在game內排隊拿禮物。跟住又走去殺下人，之後很不爽(爽爽也沒有來找我去街)，於是落街打quark4街機版，狂死在入錢，嚇到人地d古惑仔都唔敢走過來叫我媽咪俾佢地玩一鋪。

吃了晚飯後，見到有人係到報佳音，於是媽咪又走左去機鋪賽車，用恐嚇的眼神嚇走幾個金毛飛先有得玩(全程我都好驚唔敢出聲)。終於，爸b放工了(連續兩晚朝十晚一點先收工)，十時爸b接走媽咪本來話想去睇燈飾，不過在巴士上媽咪進入睡眠昏迷症。全程都成隻加菲貓眼0甘，所以很快回家睡.....好一個聖誕節!

12月26日
打War of Warcraft，hardcore的，又去打人，打wok金，中途死左，成個character就係0甘無左啦，打左成年的啊! 人死咩都無，連game都係。火滾的媽咪再入diablo ii，因為意氣用事火遮眼的去跟人隻秋，又死左.....哈....! 說也奇怪，佢變番正常，約了舊同事去shopping。

12月27日
shopping，不過無買野。原全唔似係屋企蹲左0甘多日，患上短暫狂燥症的人啊!

我的結論: 過得好靡爛、好恐怖

---