愛一個人願來真的不一定可以天長地久

不是關於爽爽，我地好好的，不過我唔再信天長地久! 不過，狗是不是不一樣的呢?

2月的時候出席一個party，有一對couple，是媽咪和我心目中的模範couple，男才貌雙存，女的溫柔可愛聰明。因為個club搞好多活動是很遠的地方，媽咪少左去，所以上次去他們的part已經是10個多月前的事了。

男的，我們叫他為S，女的叫L吧。當天看見個club好多都係新人，8成人都唔識，看見S，媽咪便上去聊一下。S是專業人事，個樣成個青靚白淨版的竹野內豐(唔好流口水住)，談吐很有家教的類型，媽咪成日覺得找個老公找到呢d的話，短命幾年都好wor.....(說笑的)。媽咪唔見他的太太，便問啦「呀L呢，沒有來嗎?」

「啊....(他苦笑)，我地離左婚啦。」他看著地下說。

媽咪因為太直率，問左一句「0下，點解架」之後知道失言，她say了sorry，S先生也沒有說下去。

後來另一個舊member告訴媽咪，原來S先生患了少少的抑鬱症，其實d member都覺，可能他外於自己的職業position....唔肯認。不過後來他都去了看心理醫生，卻罵了心理醫生一餐後，變得很自我封閉。佢老婆(真係看不出來，因為係個超sweet的人)不單只不理解老公，只是天天說老公不陪自己只是工作等。不久，L小姐搭上另一個男人走左.....。當然那也只是一面之詞，不能盡信是女的錯。不過，我就是覺得他們很可惜。

party之後，有一個星期天上meditation時遇見S先生。媽咪跟他聊起來，他原來也開始去面對自己的問題，不過佢要媽咪唔好講俾d member知(媽咪當時心想，d member個個都知啦，你唔知人地知之嗎)。他也說了大慨的情況，媽咪也跟他分享自己當年有抑鬱症時的心情。其實第一件事就不要想「由佢先啦，唔好理住先」呢d態度，因為只要由佢先唔解決就有問題。第二就是要學會problem solving，點都好都要problem solving唔可以唔理(所以媽咪幾鐘意看德川家康)。第三就是要懂得let go，如果想了很久也解決不了，考慮一下是不是可以放底(特別是用於感情上)一旦放底就以後都不再想了。

那天之後，S先生天天都打電話來，佢想媽咪幫佢做reiki，但係媽咪當時才剛剛一級，唔肯說學完三等級先幫他(也要幫regina sis sis，知架啦.....條隊好長wor.....)。s先生不知是不是錯覺認為這就是love... 2月14日仲送花給媽咪.....不過媽咪好cool架，雖然他真的是樣樣都好，但是如果因為心靈脆弱而希望走在一起驅走寂寞是一個好錯的選擇，媽咪turn down左佢，不過說過大家是好朋友，做朋友仲好過做情人。

當時S先生好大打擊<--可能他應該是出親手都唔會衰，佢說「我而家好唔開心」，媽咪就說「0甘也是要面對啊」。愛一個人願的確不一定天長地久，但係愛自己是可以永永遠遠的愛，懂了愛自己也才會懂得愛自己的人時應有的心境和態度。 <--- 果然是曾經滄海呢。

---