友情 vs 亮碧思

星期六，媽咪的一個很老友的中學同學C小姐約了我們吃飯。C小姐繼情傷自殺過幾次大幸沒事後，醉心工作，可是總覺得自己是懷才不遇，又不岔自己大學生得萬多元薪水所以就跟媽咪說會令找出路(part-time運作)。

好啦，那麼久沒見的朋友，媽咪一定不會推(雖然她打算回家休息好今天上reiki的)。看見C小姐一身行政look加上濃妝，媽咪第時間問「你做part-time做化妝小姐呀?」，她說「當然唔係啦，傻gei」。我地食左好好味的午餐後，那時2時，她終於入正題說她做的是賣beauty product，佢媽咪都有係到做云云，跟住又說「我地唔係newlife,nuskin,amway個d，完全唔係，也不是賣product的，不過我想讓你見證一下我已經脫胎換骨。」

作為一個朋友，一個比自己depress，想不開的好friend可以脫胎換骨真是十分高興，可是......。「見證我點點點變左，開心左xyz....」呢d台詞......0甘熟gei??

case 1
媽咪中學已入過amway，那時的手法是「你有沒有夢想.....無理由自己有quali要幫人打工.......做咩自己唔賺晒自己應得的」，細路女就surely想，係wor係wor係wor真係wor，傻下傻下就開左個acc仲要買2000幾蚊野番去同家人講「呢隻洗衣粉可以分解xyz(自己都唔知係咩)，所以係貴d」....當然發覺完來同幾十元一盒的洗衣粉一樣............

case 2
媽咪有一個客人，part-time係nuskin做，也跟媽咪說「nu skin那一team人點點點改變左佢一生，心情點樣開心」。ok，媽咪去聽啦，我地懷疑個d 所謂的top sales都是同一group人，點解amway、nuskin、亮碧思都有同一個background同一個說法的呢?

case 3
媽咪的同事，入左個d神壇可以請一d靈異野上身去幫人發達，佢都媽咪的同事講「個神壇令我找回人生的意義，原來個天要我唔死係要留下來幫人」0甘點解你地幫一次人要收0甘貴的呢? 成萬幾蚊wor?

如有類同實屬巧合.......

好啦，番去呢個亮碧思的topic，身為一個sales的媽咪也好想看一下呢一班出晒名被人唱到p街是騙人的公司如果騙取朋友C小姐的芳心(加0米佢媽咪)。故事現在開始.....

一上到佢地個「架步」，一大堆師奶，一大堆穿老西的男女，好專業的跟d人講佢地唔係推銷唔係hardsell，你而家只是投資又可以免費有product拿走。哦........

有一個男生走來向我們解釋關於亮碧思的偉大背景和他們的驚為天人的產品........哦哦.....。奇怪的係，我們在amway、nuskin都有呢一種背景的sales「我本來考左入xxx大學的xx系，可是當我一聽呢個生意，我就放棄左個學位出來做呢個生意」，哈，你地幾個係唔係friend來架，分布係唔同的直銷公司內?

跟住佢就用好多化學名詞「達」我地啦，又話佢d油唔係香薰，係薰香。媽咪都有玩開香薰(唔止一般的香氛，有好多blended for special function也玩)，當然有興趣知道薰香是什麼(佢就點左台上的那bottle)，一陣陣劣質精油味係0甘湧過來。媽咪就問「薰香英文係咩」，個sales就話呢個我唔係好清楚，我地是由法文translate過來，0甘我地又問「0甘你點知薰香和香薰會唔會只是translation的問題?」。sales堅持係薰香唔係香薰(後來看見個price list上有英文，他們說的薰香是essential oil，哈....薰香香薰薰薰香，玩字呀fa?)。

跟住佢又說個bottle個燒頭是淘土(說是rare earth啦xxyyzz，買少見少，石油都係wor)加上個design就拿了專利。我就看不明有什麼大不了，佢就吹熄d火，過了好幾分鐘就放張紙上去同我講，「你睇，唔著火架」......我燒完香薰個d candle擺幾分鐘都係唔著火架! 無野0下fa.....跟住佢又說個燒頭燒的時候會放出負離子。0甘我同佢講而家好多野都做到啦.....佢就話家電個d係用電產生負離子也同時有正離子，所以1+ 1- = 0 是沒用wor.........0甘我同佢講「唔係wor，我去做負離子直髮和曲髮，人地都係用電，我個頭真係直/曲到wor!」佢又答唔上，於是找了個什麼侯爵等級的女士。

女士就同我講佢原本是做生意，覺得呢門生意好，而且中國又快開直銷市場，來香港學完打算回去吃頭啖湯。我從來不曾懷疑過做傳銷會發達的事情，只是良心和堅持的問題。首先我要說，去到呢一part已經是3小時了，我仍是戰意高昂。呢個女士我真係好懷疑佢明唔明咩野係做生意，大陸market有什麼是真的? 是騙子。我俾你個product真係連sars都殺到，你都有多d權威的research俾我看啦，你個d report，我都未聽過的機構發出的，你地講到個product0甘勁，點解仲未拿nobel prize? 又或者0甘勁做咩要用傳銷方法，獨市生意自己賺晒仲好啦。

問到佢地進入大陸有什麼market planning、promotion planning，一聽就知「吹呀吹讓我吹吹水」的。答d九唔搭八(成日講佢地有幾多幾多product)，小姐，講多Amway多過你，人地開0米地鋪你地知唔知就係用來做brand building入大陸。九唔搭八了一排，佢就吹已經係上海、北京、廣州剛剛set up左公司，哦，人地個幾間一早就set up 晒啦，咩你地0甘遲呀。

再問到佢地公司有什麼防止其他人做佢個番版亮碧思野，佢同我講個bottle好精細，大陸做唔到時╴我真係笑左出來。小姐，你係廣州來，估計都看過中國人米上寫詩、畫畫吧。老實說個bottle唔算精細，絕對可以番版到。0甘即係無操拖去阻止其他老番啦。跟住佢就講佢地有個xyz系統有幾勁幾勁，可以由一張IC card 去identify係唔係legal sales。做legal sales好簡單，5000蚊開始，我就有張ic啦，跟住我騙你sell d illegal的product。你賣1100，我而家賣300。吹呀，你ban左我我請d新人再開，再ban再開。easy job，做嗅的是亮碧思個名。小姐聽完就說有客找她要失陪。

C小姐又用眼淚發功「你係我最好的朋友，我想有好野同你一齊做，你0甘都唔信我?」我媽咪心軟啦，就說「我唔買個d什麼薰香，買洗面個d野(200多元)」。C小姐「你都係要開左acc先買到架。」跟住加入C小姐媽咪，又說一餐入左呢度幫左好多人云云，又說呢個個男仔月入十幾萬，呢個女仔月入十幾萬，呢個C奶本來是做石Q的而家月入十幾萬。哦，我想借佢個電腦打www.長江.com，呢個0米李嘉誠lor，小學畢業之嗎，佢而家世界十大首富。

最搞笑係C小姐學個d Sales口說，「個邊個個阿x先生，之前係開制衣廠架，對所有chemical好有研究，一看個product就知有得做，close左間公司來做呢度。」.........哇，help，我開廠要close左佢來拿個十幾萬就真係要自我檢討一下啦。對chemical有研究做咩唔做科學家，賺多d wor。

最後，由2pm折騰到7:45pm先肯俾我地走........走時媽咪因吸入過多佢地那種當神0甘拜的薰香香薰，喉嚨痛又發燒。C小姐仲同媽咪講「你發左出來就無事架啦，佢d product係會由你根本有疾病的東西番晒出來的」。今天看見網上有曹x威博士寫佢隻薰香香薰有一隻有害物質，聞左會想嘔、頭暈、頭痛的。哈.....原來d有害物質可以番出你d問題出來架，仲可以分解二手煙wor。

我唔係讀理科，我唔知係什麼，總之佢搞到我今朝上reiki時發燒，是reiki的老師和同學幫我做healing我先好好多。我學個reiki class是畢身受用，我都唔會去hardsell人地啦，要我sell自己聞完會病的product來賺大錢，我真係令願打工一世，起碼我無悔自己個良心lor。

ps: c小姐仍堅持我那個發燒反應只是個別例子。唔緊要啦，當我係個別例子得架啦，你地個d月入十萬大計都係找「咩~!咩~!」太太去玩啦。唉......唔知0甘會唔會反面。

---