黑仔是不是會見鬼

媽咪由海南島回來後，除了忙到死就係黑到爆。

但係黑仔的時候係唔係就係晚運低，之前寫過關於被鬼壓床幾天之後，以為沒事啦...有又事啦，就今朝早發生。

話說爸b今天要一早上班，媽咪見反正睡不著就拿運動衫去做gym(8時出門口)，天都光晒架啦....。他們在南灣半島總站坐8P巴士，媽咪行前爸b行後，媽咪見架8P開走左，就同爸b講「慢慢行都得啦」。跟住她向前面看，當時除了巴士幾個司機也有幾個其他人的(媽咪當時有一刻想過，那幾個人做咩唔坐剛剛那架8P)。之後，媽咪行到去個車站時，另一架8P又開門了，事情發生了:

有一個米色衫的女仔(紮住條馬尾)，一支箭0甘沖上架巴士，跟住上左2樓。媽咪想說「搞錯，隊又唔排，趕咩wor。」，跟住doot八達通。當時爸b在後面說「這架不是8P」，媽咪說「我見有條友沖左上去啦，係8P」。跟住媽咪也上了2樓，點知上到去....係無人wor。媽咪就問爸b「你頭先見唔見有個米色的女仔係我未行到去個車門時佢一支箭0甘標左上車。」爸b說「沒有wor，只有跟在你後面有個黑衫的女仔。」(爸b很有風度係會讓人上車先，反正有位坐)。

媽咪以為爸b玩野，係0甘講「頂，一早唔好玩啦」，媽咪走去車尾再走回來，真係無人wor.....於是媽咪落去1樓，真係得個黑衫短髮的女仔....。頂呀.....看見什麼呀......。

回到公司跟D姐姐說這事，她問是不是沒有腳的呢。媽咪說，應該是全人形的「東西」，如果真係無腳她一定唔會話人地「搞錯，隊又唔排，趕咩wor。」的，好彩唔係「你趕住股胎」......。D姐姐說難得一見全人形的xx，哇.....不是值得高興的事吧!!!!!!

---