九唔搭八的餐廳經理.......

昨天，媽咪和她的同事Y小姐花天酒地吃晚餐，選擇了在公司附近清風街一家開在地下的私房菜(看起來很高格調)，因為天天都看見他們很多人幫襯應該好吃。因為好大個不准狗狗內進，我就躲在媽咪的手袋內，聽見以下一段搞笑的對話:

第一味: 雞類
「這三款雞邊一款出名d，多d人食呢?」Y小姐問男伙計
「三款各有千秋。」男伙計
「0甘，我想要好食d，唔要太熱氣的呢?」Y小姐
「三款都好清。」男伙計
「呢個沙x雞係炸架wor，唔會叫清吧，我地想小油dd」媽咪有d唔耐煩
「係呀個個熱氣架」男伙計說
「....」Y小姐和媽咪互看....
「那麼蒸雞用什麼蒸架呢?」Y小姐問
「係呀呢個好清唔熱氣，你地都熟個餐牌wor是常客嗎?」男伙計說
「......我們第一次來」Y小姐很串的說，她性子很急....這人在玩我們嗎。
「算啦，叫呢個x爆雞算，寫住no.1，唔好煩....」媽咪也忍唔住說
「係呀，呢個係最好食最多人叫。」男伙計又說....
「XYZ&*(^^%^%$#$%##@」Y小姐和媽咪心中想

第二味: 想吃seafood
「你地招牌菜，xx食是蟹?」Y小姐說
「係呀，好出名架。」男伙計說
「要一個啦」媽咪說
「係呀，好出名架，好好食，係用xxx和xxx整架，蒸完再xxx一次先上來，很滋味。」男伙計說
「幫我落一個」媽咪再說
「我地d蟹係xxx到的，好新鮮好多膏，蒸起來特別滑.........(省去一萬字)」男伙計說仍未落紙...
突然男伙記想起什麼似的，十秒dead air.....後
「噢，我地今天的蟹買晒」
「..........0甘你仲有咩海鮮?」y小姐問
「可以試下豬面lor，有波菜底。」男伙計說
「我地想要海鮮....。」媽咪忍不住又出口。
「噢，可以試下呢個海堂豆腐，有蝦米架。」男伙記又說
Y小姐和媽咪火都來了
「我地唔係要食蝦米，我地問緊你海鮮呀....」
「試下呢個xx，是用兩種菜的根部做的。」男伙計開始有點慌
「叫你經理來...。」Y小姐向剛經過旁邊的女伙計說。
「他是經理啊。」指著那男伙計說

唉....到最後竟然來了三款很同類口味的菜色，都是用鍋仔煎的(味道很似只是不過食物材料)，y小姐說10分的話給他-10分。其實味道是不錯，不過我也沒試過食三款同味不同食物的晚餐.....而且那個經理是不是high了什麼?

---